еМагазин
Image default
БАШ НИ Е ЌЕФ

Новото Citroen Berlingo van ја освои нагртадата „International van of the year 2019”

На годинешното 67-мо издание на Саемот за комерцијални возила во Хановер, на новото Citroën Berlingo Van му беше врачена најпосакуваната титула во секторот на лесни комерцијални возила, наградата за „International van of the year 2019”. Ова е веќе втор пат како Citroën Berlingo Van ја освојува оваа награда, првиот пат му беше доделена во 1997 година и оттогаш се продадени повеќе од 1,5 милиони возила.

Оваа трета генерација на Berlingo е наградена и поради неговите извонредни достигнувања во однос на удобноста и технологијата. Верен на слоганот на Citroën “Inspired by Pro” посветен на комерцијалните и товарни возила, новото Berlingo Van е идеален партнер за сите професионалци.
Berlingo Van ја продолжува долгата историја на Citroën во сегментот на фургони која вклучува легендарни возила како што се 2 CV Van, Acadiane и C15.

Првата генерација на Berlingo се појавува во јули 1996 и целосно ги поместува границите за овој сегмент на возила во делот на карактеристиките и комфорот. Во текот на годините името Berlingo претставува синоним за репер во сегментот.

Новиот модел со афирмиран и модерен изглед се издвојува со својот уникатен изглед достапен во 2 големини (M и XL). Опремен со 20 системи за помош во возењето и 4 технологии за поврзување, новото Berlingo Van во ништо не може да им позавиди на патничките автомобили бидејќи нуди вистински комфор во возењето и оптимална сигурност.

Новото Citroën Berlingo Van кое е скроено за сите намени и претставува вистински генерациски отскок во смисла на стил, опременост и модуларност, ќе биде достапно на пазарот кон крајот од 2018 година.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Платформа 2020“ за зголемување на соработката меѓу образованието и приватниот сектор

Редакција

ФОН доделува стипендии за најдобрите средношколци

Редакција

Лабораторијата на ЈП Водовод и канализација – Скопје е првата за тестирање која ги исполнува новите услови од стандардот ИСО 17025:2018

Редакција