Научници од италијанскиот Национален институт за здравство и Министерството за здравство спроведоа обемно истражуавање на 13,7 милиони луѓе вакцинирани против Ковид-19, во периодот од 27 декември 2020 година, до 3 мај 2021 година.
Анализата покажала дека ризикот од инфекција со Ковид-19, како и хоспитализацијата и смртта, постепено се намалува по првите две недели од приемот на првата доза на вакцината.
„На триесет и петтиот ден од приемот на првата доза на вакцината, научниците забележаа 80 проценти помалку случаи на инфекција, 90 проценти помалку хоспитализации и 95 проценти помалку смртни случаи од ефектите на болеста“, соопштил Институтот.
Резултатите, велат од таму, одат во прилог на ефективноста на кампањата за вакцинација и потребата да се постигне што е можно повеќе вакцинирања на населението, за да нема потреба од хоспитализации.
95 проценти од исптиацните примале дози и на „Фајзер“ и на „Модерна“, а останатите биле вакцинирани со „АстраЗенека“, кои сè уште не добиле втора доза.
Во Италија, двете дози на вакцината ги примиле околу 8,3 милиони Италијанци, или 14 проценти од популацијата, а 10 милиони ја примиле првата доза на вакцината.
Италија лани беше една од најпогодените земји од Ковид-19.