еМагазин
Image default
Локално

Обвинителите бараат по пет илјади евра казна за трите лица од Сингелиќ кои го прекршија полицискиот час

Јавен обвинител од Основното јавно обвинителство Скопје поднесе предлог за определување казнен налог против три лица за кривично дело – Непостапување според здравствените прописи за време на епидемија, информираат од ОЈО Скопје.

„Обвинетите на 13 април околу 22 часот, во скопско Сингелиќ биле затекнати надвор од нивните домови, без да поседуваат дозвола за движење, со што ја прекршиле Одлуката за забрана и посебен режим за движење на територијата на Република Северна Македонија“, соопштија од Обвинителство.

Основното јавно обвинителство Скопје на Основниот кривичен суд Скопје му предложи на тројцата обвинети да им изрече парични казни од 100 дневни глоби, а висината на една дневна глоба да биде определена на износ од 50 евра.

По насоки на јавниот обвинител, Министерството за внатрешни работи постапува за идентификација на останатите лица кои на 13 април во знак на протест излегоа на улиците на Сингелиќ и го прекршија полицискиот час.

Откако МВР ќе го документира целиот кривично-правен настан и ќе поднесе кривична пријава, Основното јавно обвинителство Скопје со приоритет ќе постапи согласно Законот за кривична постапка.

ПОВРЗАНИ ВЕСТИ

(ВИДЕО) Само во Македонија: Протест во скопски Ченто сред полициски час

Сите што протестираа во Ченто ќе добијат кривични, детали за инцидентот од МВР

Полицискиот час не го почитувале 44 лица, приведени 31

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Татко и син нападнати со стапови поради недоразбирање за напасување добиток

Редакција

Сосед сакал да му пресуди со остар предмет

Редакција

Пожарникар во Охрид претепал двајца колеги

Редакција