еМагазин
Image default
Македонија

Обвинителство бара притвор за тројца браќа кои се под истрага за обид за убиство на полицаецот во Велес

Основното јавно обвинителство во Велес донесе Наредба за спроведување истражна постапка против едно лице за кривично дело – Убиство (во обид) од член 123 став 1 во врска со член 19 од Кривичниот законик, како и против две лица за помагање при извршување на кривичното дело – Убиство (во обид) и за кривично дело – Напад врз службено лице при вршење работи на безбедноста од чл.383 од Кривичниот законик.

Секторот за внатрешни работи Велес поднесе кривична пријава против три лица – браќа на возраст од 43 години, 29 години и 22 години за настанот што се случи на 2 февруари во близина на градските гробишта во Велес, лоцирани кај црквата „Свети Спас“.

„Оштетениот полициски службеник во СВР Велес заедно со негова колешка во цивилна облека вршеле работни задачи кои се однесуваат на спречување и откривање на сторители на кривични дела Тешка кражба поради зачестената појава на насилно одземање на предмети – чанти и паричници од лица ги посетуваат гробиштата на своите блиски.

На критичниот ден оштетените биле забележани од тројцата пријавени со кои било и едно дете. Тројцата пријавени се доближиле до оштетените, а едниот од нив физички го нападнал оштетениот полициски службеник. Потоа му се придружиле и неговите двајца браќа.

Во еден момент тие го турнале оштетениот на земја, па еден од нив се борел со оштетениот, додека другите двајца и задале неколку удари на оштетената. Детето ја задржувало оштетената да остане настрана и ја оневозможило да му помогне на колегата.

Еден од осомничените му го одзел на оштетениот службениот пиштол и додека оштетениот бил паднат на грб од пиштолот испукал три куршуми кон него, нанесувајќи му прострелни рани во пределот на стомакот и ногата. При испукувањето од пиштолот настанал застој, па оштетениот искористил момент да стане и да се оддалечи од местото на настанот.

Осомничениот со пиштолот започнал да го брка и да трча по него, успеал повторно да го оспособи и репетира пиштолот и повторно испукал еден куршум во правец кон оштетениот.

До судија на претходна постапка при Основниот суд во Велес е поднесен Предлог за определување на мерка притвор за осомничените лица,“ се вели во соопштението на Обвинителство.

ПОВРЗАНИ ВЕСТИ

Детали од МВР за изрешетаниот полицаец во Велес: Му го зел пиштолот и пет пати го застрелал

Приведено е лицето кое пукаше во полицаец во Велес

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Анкета на Телма и МЦМС: Македонските граѓани немаат доверба во ниту еден политичар

Редакција

Димитров наместо Заев ќе учествува на иницијативата „Отворен Балкан“ во Белград

Редакција

Државата треба да му плати 6.100 евра на Јанакиески за притворот за „Организација на 27 април“ и „Шпански скали“

Редакција