еМагазин
Image default
Македонија

Обвинителство: Реакцијата на Рускоска со „гаќите“ е израз на моментално разочарување

Реакцијата на надлежниот јавен обвинител во предметот треба да се разбере како израз на моментално разочарување, по сознанието за донесената одлука во предмет во кој по опсежна предистражна и истражна постапка и поднесено обвинение, очекува судска разрешница, се вели во соопштението од Јавното обвинителство, во врска со изјавата на обвинителката Вилма Рускоска за одлуката на Апелацискиот суд за пуштање на Катица Јанева во домашен притвор.

  • Јавното обвинителство ги следи реакциите по донесената одлука на Апелациониот суд Скопје за замена на мерката притвор со куќен притвор за обвинето лице во случајот „Рекет“.

Како единствен државен орган кој е надлежен за кривично гонење и се грижи за законитоста на кривичниот прогон, Јавното обвинителство нагласува дека ги почитува судските одлуки и не се меша во работата на судската власт.

Јавното обвинителство во извршувањето на функцијата ја заштитува законитоста и се залага за почитување на основните слободи и права на човекот и граѓанинот, принципот на владеење на правото и во таа насока обвинителството ќе ја продолжи соработката со надлежните институции и судски органи, се наведува во соопштението од Јавното обвинителство.

ПОВРЗАНИ ВЕСТИ

Апелација ја објави СМС пораката која Рускоска за Јанева ја пратила на судија

Судскиот совет со осуда за однесувањето на Рускоска

Рускоска најави финансиска истрага за судиите кои ја пуштија Јанева во домашен притвор

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Меѓу нашинците во Хрватска нема заразени од коронавирус, се очекува 220 граѓани да бидат префрлени со авион во Скопје

Редакција

Поништено гласањето на седум избирачки места

Редакција

Ременски не чувствува вина за „Рекет“

Редакција