Од 9-ти март (понеделник) се враќа во сообраќај патничкиот воз Скопје-Приштина и обратно, информираат од МЖ „Транспорт“.
„Потсетуваме дека возот кој превезува патници Скопје до Приштина, поради одредени технички проблеми не сообракјаше редовно, а со надминување на истите, повторно е во функција. Возниот ред останува ист. Поаѓањето од Скопје ќе биде во 16:10 часот, додека возот се очекува да пристигне во Приштина во 19:10 часот.
Што се однесува до релацијата Приштина-Скопје, поаѓањето ќе биде во 07:10 часот, додека возот се очекува да пристигне во Скопје во 09:52 часот,“ се вели во соопштението.
Воведувањето на редовната линија на возот Скопје-Приштина-Скопје се очекува значително да го зголеми движењето на патниците, уште повеќе со оглед на секојдневните потреби што луѓето ги имаат од двете страни на границата.
Фото: МЖ