еМагазин
Image default
Локално

Од играчка-плачка: Пукајќи петарди во тенџере, дете заврши во штипската болница

Дванаесетгодишно момче од Штип синоќа е повредено по пукање петарди. Момчето и неговите другари во текот на новогодишната ноќ ставиле неколку петарди во тенџере, но по пукањето на петардите тенџерето летнало и удрило директно во главата на момчето по што завршило на Одделението за хирургија во клиничка болница – Штип.

Момчето е во добра здравствена состојба. Екипата на штипската Итна медицинска помош ноќеска имала 40 амбулантски прегледи и 13 домашни посети на пациенти.

Според портпаролот на СВР-Штип, Гордана Панајотова, регистрирана е и една сообраќајна несреќа во Штип, во која е повредено 12-годишно девојче, хоспитализирано на Одделението за ортопедија.

Во текот на ноќта се регистрирани и неколку нарушувања на јавниот ред и мир, а 20 годишна девојка поради алкохолизирана состојба завршила во штипската болница.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Мафијашки филмови“ во Скопје: Впериле пиштол во полицајци кои пренесувале убиец

Никола Осило

Мајка од Скопје си ја бара 16-годишната ќерка

Никола Осило

Четворица претепале прилепчанец

Никола Осило