Меѓународен сојуз на Бојан Јовановски (Боки 13), кој е еден од осомничените во случајот на Јавното обвинителство, „Рекет“ денеска се огласи со соопштение, кое е потпишано од потпретседателката Јасна Ерцеговиќ, а во врска со како што наведува во истото „неоснованите и тенденциозни шпекулации кои се пласираат во медиумите и на социјалните мрежи“.
„Во интерес на остварување на целите Меѓународен сојуз (МС) стапи во соработка и склучени се договори со две реномирани домашни друштва. На тој начин за прв пат во Македонија е создадено приватно невладино партнерство.
Паричните средства пристигнати на сметките на координаторите на проектите се искористени исклучиво за остварување на целите на МС и исполнување на договорите склучени со партнерите.
Потенцираме дека хонорарот пристигнат на сметката на Л.Т. еден од координаторите и идеен творец на проектот веќе беше предмет на истрага на Финансовата полиција и ОЈО по што се утврди дека трансакцијата е во рамките на позитивните законски прописи на РСМ и истрагата е сопрена.
Временското одлагање и доцнењето на остварувањето на целите на Меѓународен сојуз е исклучиво од објективни причини а никако по вина на МС и координаторите на проектите.
До денот на издавање на ова соопштение ниту еден член на МС или лице поврзано на кој било начин со МС не е повикано од органите на прогонот на РСМ а заради наводно незаконито работење“, се наведува во соопштението од Меѓународен сојуз.
ПОВРЗАНИ ВЕСТИ
Ременски: Немам ништо против Обвинителството да ја испита мојата функција во невладината на Боки 13
Заев за средбата со Боки 13: Состанокот беше за отворање на старечки домови
Боки 13 е најголемиот „рекетар“ во Македонија? Нема други?
Фото: Фејсбук/Боки 13