еМагазин
Image default
Македонија

Oдбраната бара одолжување на „Насилство во Центар“ до разјаснување на ситуацијата со Јанева

Одбраната на обвинетитете во предметот „Насилство во Центар“ на денешното рочиште побара  одложување на главната расправа до целосно решавање на состојбата со специјалната јавна обвинителка Катица Јанева која е во притвор за случајот „Рекет“.

– Општопознато е дека Јанева се наоѓа во притвор за предметот „Рекет“, а таа застапува повеќе предмети пред овој суд. Ова значи дека судот ценел дека Јанева можела да го повтори делото за овој и другите предмети и одлучил мерка притвор, истакна адвокатот Димитар Дангов.

Посочи дека Јанева според законот за Специјалното јавно обвинителство (СЈО) е единствен надлежен застапник на предметите на ова обвинителство.

– Обвинителката Фатиме Фетаи и обвинителот Гаврил Бубевски не го застапуваат предметот, туку ја застапуваат обвинителката Катица Јанева. Од тие причини сметам дека понатамошното застапување ќе претставува искористување на своите службени овластувања за преземање дејствија за кои немаат право. Правото што го нема Јанева, го немаат ниту тие. Ова претставува правна пречка за одржување на главната расправа. Предлагам судот да ја одложи правната расправа, бидејќи за овој предмет не постои овластен тужител, истакна Дангов.

Обвинителката Фетаи посочи дека притвор може да се определи и по други основи и смета дека е потребно најпрво да се прибави решението за притвор на Јанева и да се види што точно се штити со таа мерка, за потоа да може да се произнесе судот по барањето за правото за нивното застапување на предметите.

– Предлагам да се обезбеди решението за притвор на Јанева, па потоа да се одлучува по предлогот на одбраната, изјави Фетаи.

По изнесените ставови на Дангов и Фетаи, судијата даде пауза за да го разгледа барањето на одбраната.

Случајот за насилствата пред Општина Центар во јуни 2013 година го води судијата Душан Јосифов, а застапник на обвинението е Гаврил Бубевски.

Во „Насилство во Општина Центар” на СЈО обвинети се повеќе лица, меѓу кои поранешниот премиер Никола Груевски кој е во бегство во Унгарија, екс министерот за транспорт и врски Миле Јанакиески, како и поранечната советничка од ВМРО-ДПМНЕ Даниела Рангелова и осум други лица.

МИА

ПОВРЗАНИ ВЕСТИ

„Насилство во Центар“ одложено за 10 септември, ќе се чека одлуката за Јанева

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Македонија обезбеди привремен престој за 131 авганистански граѓанин вработени во Обединетите нации

Редакција

Отсуството на адвокат на еден од обвинетите го одложи судењето за „Топлик“

Редакција

Поради излолација на дел од обвинетите, одложено судењето за „Титаник”

Редакција