еМагазин
Image default
ЖИВОТ ТОП СТОРИИ

Огромен тумор отстранет од пациент кој поради годишни одмори немало кој да го оперира на државните клиники

„Иако имав болки и многу тешко се движев во државна болница ми рекоа дека нема кој да ме оперира. Ми ги направија испитувањата и ми рекоа дека имам тумор и дека мора што поскоро да се оперирам, но дека сега е време на годишни одмори, па тоа нема кој да го направи.

Јасно ми беше дека морам спасот да го барам на друго место по што моето семејство одлучи да побараме спас во Клиниката „Жан Митрев“. Тука ме оперираа и голема благодарност до целиот тим што се заврши како што треба“.

Ова е сведоштвото на пациент кој неодамна во Клиниката „Жан Митрев“ успешно беше опериран од огромен тумор. Неговата приказна во клиниката започнува откако се јавува на преглед по што веднаш е хоспитализиран и по сите направени испитувања закажана е операција.

„Констатирано е дека пациентот на возраст од 71 год (тежок 56 кгр, висок 162 см, BMI 21,34 кгр/м2 ) има неурофибросарком во левата страна во ретроперитонеум. При клинички преглед утврден е голем палпабилен тумор во абдоменот кој јасно испакнува. 

Исто така беше видлива рана од предходна биопсија. Лаборотиотија во прилог на неконтролирана гликемија, анемија, тромбоцитоза( Plt 406,1 x 103/µL) подхранетост (Albumini 22,0 g/l ).

Проверката на МСКТ покажа дека туморот го инфилтрира левиот бубрег и неговите крвни садови, го избуткува колонот и има нејасен однос кон мезентерични крви садови од тенкото црево.

Исовремено го изтуркува/инфилтрира панкреасот и прави компресија на лиеналната вена. Поради анемијата и потхранетоста припремата за оперативен третман е направен согласно ERAS( Enhanced Recovery After Surgery) протоколот“, информира проф. д-р Милчо Пановски, Абдоминален хирург, субспецијалист во Клиниката „Жан Митрев“.

Под комбинирана (општа и епидурална) анетезија пациентот е опериран. Интраоперативно е утврдено дека постојат метастатски промени на оментумот но дека е можна радикална процедура. Комбинираниот онколошки тим од „Клиниката Жан Митрев“ (уролог,абдоминален хирург) успешно ја завршил операцијата.

„Туморот кој беше со огромни димензии, 27х17х14 см, заедно со оментум е отстранет. Направено е и отстранување на дел од телото и опашката на панкреасот заедно со слезенката.

Поради инфилтрација на туморот во крвните садови на колонот направена е и парцијална ресекција на колонот со термино-терминална анастомоза. Вкупно време на интервецијата 260 минути“, велат од Клиниката.

Пост оперативно дадена супституциона терапија за панкреасната егзокрина и ендокрина функција, профилакса за тромбоцитозата, и е воден согласно ERAS протоколот. Постоперативниот ток уреден, со присатна еднодневна психогена дезорјентираност.

„Често пати нашите тимови од доктори се ставаат во состојба да реагираат брзо, одлучно и исправно. Борбата за животот на пациентот е приоритет кој во трката со времето станува единствена цел за сите. Во таа борба се употребуваат сите расположливи средства и од техника и од човечки фактор без оглед на време и место.

Токму таква борба, која е многу честа во нашата клиника, се одвиваше и за животот на еден наш сограѓанин кој замислете бил вратен т.е. не бил итно опериран, иако состојбата тоа го барала, од една од државните болници, и тоа замислете „поради започнување на годишните одмори“, велат од Клиниката Жан Митрев.

КОМЕРЦИЈАЛНА ОБЈАВА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Македонскиот народ“ да се замени со „граѓани“: Што ќе бара Села од Заев

Редакција

Бранко Героски: На Карпов му извадив реми, а рекетариве и плукачиве планирам да ги матирам

Петре Димитров

Европската агенција за животна средина: Македонија е најзагадена земја во Европа

Редакција