еМагазин
Image default
Бизнис

„Оилко“ ја зголеми добивката за 182%

Во периодот јануари-јуни 2019 година „Оилко“ оствари вкупни приходи во висина од 196,9 милиони денари и кај истите има 10,6% зголемување споредбено со истиот период од 2018 година, соопши компанијата преку Македонската берза.

„Во структурата на вкупните остварени приходи најголемо учество, 63,82% имаат приходите од домашен транспорт на деривати кои во споредба со остварените во истиот период во 2018 година бележат пораст од 17,39%. Во периодот јануари-јуни 2019 година друштвото оствари вкупни расходи во висина од 182,6 милиони денари и кај истите има 5,7% зголемување споредбено со истиот период од 2018 година.

Во структурата на вкупните остварени расходи најголемо учество, 29,87% имаат расходите за бруто плата кои во споредба со остварените во истиот период во 2018 година бележат пораст од
14,22%.

Друштвото заклучно со 30.06.2019 година оствари добивка во висина од 12,4 милиони денари и истата е зголемена за 182% споредбено  со истиот период од 2018 година.

Ваквиот резултат се должи на стагнација и незначително зголемување на оперативните расходи со истовремено зголемување на оперативните приходи од зголемен транспорт на деривати на домашен пазар и зголемен транспот на деривати на странски пазар“, информираат од компанијата.

Фото: Оилко

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Галерија) Ексклузивни фотографии од новото казино Фламинго во Скопје

Редакција

Виталиа со 15% раст на извозот во првите 8 месеци од 2018 година

Редакција

„Раде Кончар – Апаратна техника“ ја зголеми добивката

Никола Осило