еМагазин
Image default
Македонија

Османи им се извини на медиумите, ама ДУИ не се откажува од тужби

Функционерот на владејачката ДУИ и вицепремиер за економски прашања, Бујар Османи во соопштение вели дека се извинува на медиумите ако неговата изјава ја сфатиле како закана, но од ДУИ не се откажуваат од тужби за нивно поврзување со скандалот со пензискиот систем.

„Заштитата на јавниот простор и слободата на јавното информирање, претставуваат наша обврска не само како политичари чија централна позиција претставува европска Македонија, туку и лично како луѓе чии вредносен систем е изграден на основа на западните правила и норми.

Но заштитата на јавниот простор не може да се обезбеди преку заштита на намерните шпекулации и манипулации, преку заштита на лагата и лажните вести, преку заштита на оние чија цел е неправедна дискриминација, нанесување неоснована штета итн.

Медиумите имаат право да известуваат и да се сомневаат, и тоа никогаш не претставувало проблем, ниту таквите прилози ги сметаме за злонамерни и, поради тоа, поголемиот дел од медиумите немаат потреба ниту да се извинуваат, ниту имаме намера да поднесеме тужби.

Ако мојата изјава, која секако ја дадов како портпарол на партијата ДУИ, некои од овие медиуми ја сфатиле како закана, дозволете јавно да се извинам и да се обврзам во моите наредни изјави да бидам попрецизен.

Но, постојат политичари, претставници на мали партии, кои изразија директно обвинување за криминал и кражба, без притоа да имаат ниту тронка основа за сомнеж за ваквото тврдење. Тоа е неприфатливо, и затоа апелирам да ја сфатат грешката, да прифатат дека згрешиле или избрзале, нешто што веднаш ќе го прифатиме и ќе го поздравиме. Во спротивно, навистина ќе бидеме приморани и ќе поднесеме тужба за тенденциозно изнесените невистини.

Слична порака сакам да упатам и до оние медиуми и портали – познати претставници на лажните вести, кои не пропуштија да се скандализираат со овој случај, и тие да шират директни обвинувања, намерни лаги и да креираат целосни лажни вести без никаква основа. Наша цел е да го заштитиме јавниот простор, оставајќи им можност да ги демантираат невистините, да се извинат, во спротивно некои од медиумите ќе мора исто така своите тврдења да ги докажат на суд“, вели Османи.

Фото: Влада

ПОВРЗАНИ ВЕСТИ

Новинарите ги осудија заканите до медиумите на Османи за скандалот со пензиите

ДУИ ќе ги тужат сите политичари, политички партии и медиуми, ако за 24 часа не се извинат за „лажните вести“ за ПИОМ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Закани за пратениците од ВМРО-ДПМНЕ: „Даниела ако гласаш за уставни измени како Исус ќе те распнеме“

Никола Осило

Министерот Манчевски четири часа сведочеше на судењето за насилството во Собрание

Редакција

СДСМ: Македонија е правна држава со независни судски инситуции, правда мора да има

Редакција