Дојче веле објави дека имало докази дека еден од осомничените во случајот „Рекет“ на Јавното обвинителство, два-три дена по земањето на милион евра од домот на сведокот-жртвта во случајот, бизнисменот Орце Камчев, заминал во странство каде што за неколку дена време на луксузирање потрошил околу 180.000 евра.
Дојче веле пишува и дека вештачењето на компјутерите и на телефоните одземени од осомничените „Рекет“ сѐ уште не е завршено, а се очекува од нив и од други докази обезбедени во рамките на истрагата точно да се утврди каде завршиле 1,5 милиони евра, што во два наврата биле изнудени од Камчев, како и дека е можно наскоро и други лица да бидат опфатени во истрагата што се води за случајот „Рекет“.
Наводно според Дојче веле станува збор за соработници на еден од осомничените, а чии имиња биле посочени во некои од досегашните сведочења за случајот.
ПОВРЗАНИ ВЕСТИ
Обвинителството знае каде се дел од парите од „Рекет“
Плусинфо: Боки 13 ги пуштил во оптек парите што ги зел во „Рекет“ како легално стекнати