Кривичниот суд во Скопје го одби барањето на вицепремиерот за европски прашања, Бујар Османи и на заменик-министерот за внатрешни работи, Агим Нухиу да го посетат во затвор Томор Морина, поранешен припадник на Ослободителната војска на Косово (ОВК), кој е во притвор по потерница на Интерпол.
Од таму на двајцата владини функционери им објаснија зошто тоа е неизводливо.
Имено во член 178 од Законот за кривична постапка, посетите на притвореник ги одобрува судија на претходна постапка, а притвореникот може да го посетат блиски роднини, амбасадори, народен правобранител, а по барање на притвореникот може да го посети лекар и други лица.
Но, Османи не се откажува. Тој во изјава за ТВ21 вели дека ја почитува судската одлука, но дека сепак пронашол начин да му се обрати на Морина и да му даде до знаење дека прават сѐ за да не биде екстрадиран во Србија.
„Најдов начин да му испратам порака на господинот Морина дека ги активиравме сите домашни механизми за да ја разјасниме ситуацијата и што поскоро да се донесе позитивна одлука за него и да се гарантира дека нема теоретски шанси да биде екстрадиран во Србија, како и дека она за што се ангажирам е да биде ослободен од притвор додека не завршат постапките во Министерството за правда и додека министерството не донесе одлука дека нема да биде екстрадиран“, вели Османи.
„Упорноста“ на Османи, предизвика лавина од реакции на социјалните мрежи, а еве дел од твитовите:
Бујар Османи не го дава Томор Морина затоа што е добар човек плус албанец. Ниту едно од овие дилеми не е аргумент во држава во која треба да владее правото, за да одиме во Европа.
Стабилноста сега е најважна и ваквата деструктивност ја поткопува ПРАВДАТА.— V!DanaDsgn (@VidanaDeSign) August 4, 2019
Еј во која нормална држава заменик министер за внатрешни работи бара посета на притвореник со потерница од интерпол за воени злосторства. Па бетер од вукојебина сме. pic.twitter.com/hCoDRTb3Xq
— Кастро (@SG_Slav) August 3, 2019
Вицепремиерот воопшто не се меша во работата на судството, само прејудицира судски одлуки…
Можам да замислам што значи тоа – „Ги активиравме сите домашни механизми„!https://t.co/s2Ami9FdrQ via @Фокус
— Нервозната (@toopersonal_1) August 4, 2019
Ова е таа подвоеност на владата и судството? https://t.co/DxB0SwSHn5
— 100Le (@baljumbaljum) August 4, 2019
ПОВРЗАНИ ВЕСТИ
Камо да се ангажираше Османи за македонските граѓани како за Морина
Османи лично се ангажирал да се ослободи Морина, поранешен припадник на ОВК
Фото: Влада