еМагазин
Image default
Бизнис

Пад на индустриското производство во јуни

Индустриското производство во јуни годинава во однос на јуни лани бележи намалување од 2,7 отсто, а вкупно за периодот јануари-јуни годинава има раст од 4,8 отсто, соопшти Државниот завод за статистика.

Гледано по сектори, индустриското производство во секторот Рударство и вадење камен во јуни 2019 година, во однос на јуни лани, бележи пораст од 5,2 отсто, во секторот преработувачка индустрија бележи опаѓање од 6,7 отсто, а во секторот снабдување со електрична енергија, гас, пареа и климатизација пораст од 34,3 отсто.

Намалувањето во секторот преработувачка индустрија е резултат, пред сѐ, на намаленото производство на прехранбени производи, на пијалаци, тутунски производи, облека, кожа и слични производи од кожа, метали, фабрикувани метални производи, освен машини и опрема и производство на компјутерски, електронски и оптички производи.

Според главните индустриски групи, производството во јуни 2019 година, во однос на јуни 2018 година, бележи пораст кај енергијата за 29,9 отсто и трајни производи за широка потрошувачка за 2,6 отсто, додека опаѓање бележи кај интермедијарни производи, освен енергија за 4,7 отсто, капитални производи за 3,1 отсто и нетрајни производи за широка потрошувачка за 10,1 отсто.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нема кој да работи: Дури 9.100 слободни работни места во Македонија

Никола Осило

„Кабтел“ го доби тендерот Град Скопје за набавка на електрични машини за вакуумско собирање смет вреден 373.000 евра

Никола Осило

Промени во Управниот одбор на Сава пензиско друштво

Никола Осило