Лидерите на најголемите политички партии денеска не постигнаа договор за нов датум за парламентарни избори на лидерската средба што се одржа кај претседателот Стево Пендаровски.
Било договорено да бидат побарани дополнителни информации за можноста за организирање избори од Комисијата за заразни болести, од Државната изборна комисија (ДИК), како и информација дали и кога во земјата ќе можат да допатуваат претставниците на ОБСЕ/ОДИХР.
На средбата присуствуваа претседателите на СДСМ Зоран Заев, на ВМРО-ДПМНЕ Христијан Мицкоски, на ДУИ Али Ахмети, на Алијанса за Албанците, Зиадин Села, на Алтернатива Африм Гаши, на Беса Билал Касами, како и претставници на ДПА. На средбата беа и премиерот Оливер Спасовски и претседателот на Собранието, Талат Цафери.
Се очекува на почетокот на следната недела да има уште една средба кај Пендаровски на која би се продолжиле разговорите околу изборите.
МИА/Фото: Кабинет на претседателот
ПОВРЗАНИ ВЕСТИ
(ВИДЕО) На партиските лидери пред да влезат кај Пендаровски им мереа температура
Избори за еден месец, во јули или во друг термин: Денеска лидерска кај Пендаровски
Кој доби покана за лидерската средба утре кај претседателот Стево Пендаровски?