еМагазин
Image default
Македонија ТОП СТОРИИ

Пендаровски му го врачи мандатот на Спасовски за формирање преодна влада

Претседателот на државата Стево Пендаровски денеска му го врачи мандатот за формирање преодна влада на Оливер Спасовски откако на седница на Собранието беше констатирана оставката на премиерот Зоран Заев.

-Врз основа на член 84 од Уставот и Законот за Влада, предлогот на најголемата политичка партија што го формира владиното мнозинство за мандатар за состав на преодната влада за спроведување избори за пратеници го определувам Оливер Спасовски, изјави Пендаровски на настанот што се одржа во „Вила Водно“.

Спасовски од своја страна изрази благодарност за, како што рече, честа и одговорноста која ја добива како мандатар за состав на преодната влада.

-Наша задача ќе биде да направиме се да продолжи државата со напредокот да направиме се да имаме фер и демократски избори и да овозможиме слободно граѓаните да донесат одлука. Меѓутоа, сите институции да продолжат понатаму со истата динамика како што работеа и досега, рече Спасовски.

По добивањето на мандатот Спасовски треба на седница на Собранието да го изнесе своето експозе како мандатар на техничката влада и програмата за работа. Се очекува техничката влада да биде избрана во Собранието најдоцна до полноќ.

Според најавите од Кабинетот на шефот на државата, по завршувањето на собраниската седница за избор на новата техничка влада, претседателот Пендаровски во неговиот Кабинет во „Вила Водно“ ќе ги прими членовите на новиот владин состав.

МИА/Фото: МИА

ПОВРЗАНИ ВЕСТИ

Македонија денеска треба да добие нова техничка влада: Кои се новите министри и заменици-министри?

Собранието ја констатира оставката на премиерот Зоран Заев

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

На погребот имало 200 лица: Епидемиолошки анкети од семејство на починат од Ковид-19 ќе се земат во асистенција со МВР

Редакција

Се бара правна форма како да се ослободат од карантин и самоизолација лицата кои деновиве влегоа во земјава

Редакција

Двајца поранешни владини функционери под истрага за злоупотреба на службена положба

Редакција