Премиерот Зоран Заев не одолеа на изведбата на песната „Македонско девојче“ од страна на тенисерот Новак Ѓоковиќ, кој пееше во живо вршејќи пренос на Инстаграм и преку својот Фејсбук профил го покани да дојде во земјава.
„Драг Новак Ѓоковиќ, твојата изведба на преубавата „Македонско девојче“ нѐ воодушеви сите во нашата земја. Прекрасно е чувството кога Ас како тебе се обраќа со почит и љубов на нашиот македонски народ и на сите граѓани во Северна Македонија.
Те чекаме во Охрид и Скопје и на сите други убави места, тука во нашиот мозаик од култури и вредности. Ти упатувам отворена покана во име на Владата и во име на нашите граѓани.
Воедно, те следиме на Вимблдон и ти посакуваме успех“, напиша Заев во постот во кој го тагира српскиот тенисер.
ПОВРЗАНИ ВЕСТИ
(Видео) Новак Ѓоковиќ ја пееше „Македонско девојче“ и посака да оди во Охрид
Фото: Фејсбук/Заев