Денеска се отвори комплетно реновиран Специјалистичко-консултативниот оддел од Клиниката, популарно наречен „Амбуланта на ЈЗУ УК за хематологија”.
„Градежните работи превземени изминатите два месеци се целосно завршени и од 01.10.2018 Одделот ќе бидат повторно ставен во употреба за нашите пациенти во постојните просторни капацитети. Горди сме што и покрај сложените финансиски околности успеваме да реализираме повеќе од нашите зацртани цели со предвидената динамика.
Со реновираниот оддел сакаме да покажеме дека сме еден од добрите примери за тоа како пациентите во јавна здравствена установа покрај врвната медицинска услуга можат да добијат и комплетен современ третман од аспект на чувството за достоинство, удобност, згриженост како и почит за нивното време“, информираат од Клиниката.