еМагазин
Image default
БАШ НИ Е ЌЕФ

„Полски пикник“ во Музејот на современата уметност во Скопје

На деветтото издание на Фестивалот на креативен документарен филм „МакеДокс“ програмата „Земја во фокус“ ќе биде посветена на полската документаристика.

Токму затоа, заедно со Филмската фондација Краков и Амбасадата на Република Полска, на 11 август (сабота), од 17 до 23 часот, ќе се одржи настанот „Полски пикник“ во Музејот на современата уметност – Скопје.

Филмската програма на настанот содржи десет кратки документарци кои од 1961 до 2000 година биле наградени на Филмскиот фестивал во Краков, Полска, фестивал кој набргу ќе ја одбележи својата 60-та годишнина.

Отворањето на програмата „Земја во фокус: Полска“ на годинашниот „МакеДокс“ со неколку зборови за полската документаристика, со мало освежување и полска музика, ќе се случи во 17 часот, а потоа ќе следуваат две филмски тури.

18:30 часот – Прва тура кратки документарни филмови (89’) во киносалата на МСУ:

-„Музичари“ на Казимјеж Карабаш, награден со „Златен змеј“ во 1961 г. (9’)

-„На пруга“ на Бохдан Косињски, награден со „Златен коњ“ во 1971 г. (11’)

-„Основно училиште“ на Томаш Зигадло, награден со „Златен змеј“ во 1971 г. (16’)

-„Коса“ во режија на Марек Пивовски, награден со „Златен коњ“ во 1972 г. (17’)

-„Болница“ на Кшиштоф Кишловски, награден со „Златен змеј“ во 1977 г. (20’)

-„Седум жени на различна возраст“ на Кшиштоф Кишловски, награден со „Златен коњ“ во 1979 г. (16’)

20:00 часот – Пауза и мала закуска за публиката

21:00 часот – Втора тура кратки документарни филмови (79’) пред МСУ:

-„Буквар“ на Војцех Вишњевски, награден со „Златен коњ“ во 1981 г. (8’)

-„Сцени од животот на човекот“ на Бохдан Ѕиворски, награден со „Златен змеј“ во 1983 г. (20’)

-„Сешто може да се случи“ на Марсел Лозињски, награден со „Златен змеј“ во 1995 г. (39’)

-„Сестри“ на Павел Лозињски, награден со „Златен коњ“ во 1999 г. (12’)

22:30 часот – Журка со полска музика

Претфестивалскиот настан „Полски пикник“ се случува во соработка со Филмската фондација Краков, Амбасадата на Република Полска во Скопје и Филмската и видео програма на Музејот на современата уметност – Скопје.

Влезот е слободен.

Деветтото издание на Фестивалот на креативен документарен филм „МакеДокс“ ќе биде отворено на 16 август и ќе трае до 23 август во Куршумли ан, на платото пред Музеј на Македонија и во Музејот на современата уметност во Скопје.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Вечерва во НЛБ Галеријата 25 уметници на ДЛУМ ќе се претстават на тема „Цртеж-Експериментален цртеж“

Редакција

Во Јавна соба под мотото „Ментална хигиена“ се отвара Скопската недела на дизајн

Редакција

Уште 3 дена до затворање на Sport Vision Bazaar во сала „Расадник“

Редакција