еМагазин
Image default
Свет ТОП СТОРИИ

Поради финансиски малверзации уапсен претседателот на Нисан Моторс, Карлос Госн

Претседателот на јапонскиот произведувач на автомобили „Нисан Моторс“, Карлос Госн e уапсен поради финансиски малверзации, јави Би-Би-Си.

Компанијата соопшти дека интерната истрага покажала дека челникот на компанијата Карлос Госн прикажувал помал профит од реалниот и преземал други незаконски дејствија.

Госн, кој е претседател на бордот на директори на Нисан и вршител на должност претседател на партнерството меѓу Нисан, Рено и Мицибуши Моторс, е уапсен поради сомневање за кршење на финансиските закони.

Јапонското Обвинителство се уште не излезе со информација за случајот.

Од „Нисан моторс“ соопштија дека Госн и директорот Грег Кели во извештаите поднесени до Токиската берза прикажувале помали износи за бонус и додатоци на плата од реалните за да се намали објавениот износ на надомест кој го примал Госн.

Од фирмата информираат дека интерната истрага покажала дека користел и пари од компанијата за свои лични потреби. Интерната истрага беше почната пред неколку месеци по дојава од „свиркачи“ за неправилности во финансиското работење.

На состанокот на Бордот на директори в четврток ќе биде предложено негово разрешување, соопшти денеска јапонскиот произведувач на автомобили и најави прес-конференција за случајот во текот на денот.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Д-р Драган Даниловски: Веројатно не очекува епидемија на хронични заболување и ментални проблеми

Редакција

ЗНМ со осуда за односот на Даштевски кон новинарите, МВР да постапи по поплаките од онлајн медиумите

Редакција

Убава вест: Оздравени 372 лица кои боледувале од Ковид-19

Редакција