еМагазин
Image default
Балкан

Поранешниот хрватски премиер Санадер правосилно осуден на 4,5 години затвор

Врховниот суд во Загреб денеска правосилно го осуди некогашниот премиер и претседател на Хрватска демократска заедница (ХДЗ), Иво Санадер на 4,5 години затвор поради кривично дело примање и давање мито во случајот „Планинска“.

Санадер е осуден поради 17 милиони куни (околу 2.288.386 евра) што ги барал и примил од Стјепан Фиолиќ, чија фирма ја продаде зградата на Министерството за регионален развој во загребската „Планинска улица“.

На една година условно е осуден Младен Млинаревиќ, чија фирма ја зголемила вредноста на зградата, како и Фиолиќ, кој ја призна вината.

Никој од осудените не дојде, а правосудната пресуда, според вообичаената процедура, судот ќе ја објави во текот на овој месец.

Заменичката на главното државно обвинителство Тамара Лаптош рече дека е поднесена жалба за Санадер и Млинаревиќ.

– Сметаме дека во овој случај се работи за еден од најтешките облици на политичка корупција и дека изречените казни се преблаги – рече Млинаревиќ.

Адвокатот на Санадер, Чедо Продановиќ рече дека жалбата е долга и ќе ја поднесе утре.

– Еден дел се однесува на суштествени процедурални прекршувања, бидејќи судијата не спроведе усогласување на повеќе вештачки наоди кои беа контрадикторни.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(ВИДЕО) Мали инциденти и четири приведени лица на ученичкиот протест во Солун против Договорот од Преспа

Редакција

Србија загрижена поради одлуката за формирање војска на Косово

Редакција

„Катимерини“: Скопското прашање носи избори во мај 2019 во Грција

Редакција