еМагазин
Image default
ЖИВОТ

Поразителни резултати на анкета на Факултети.мк: 83,7 отсто би се отселиле од Македонија

Дури 83,7 отсто од испитаниците би си заминале од Македонија кога би имале шанса, покажува анкетата на порталот Факултети.мк.

Анкетата беше отворена пред две недели, а на прашалникот анонимно одговориле вкупно 1.474 читатели.

На прашањето „Кога би имале шанса, дали би заминале од Македонија?“ одговориле 1.491 читатели. Од нив дури 1.234 (83,7%) одговориле со „да“, 123 (8,3%) се двоумат, додека 117 испитаници (7,9%) би останале во Македонија.

Различни се одговорите за земјата каде што би се преселиле. Германија, Австралија, Канада, Франција, Холандија, Данска, Австрија, Скандинавија, Швајцарија, Словенија, Нов Зеланд, Шведска, САД, Англија…, а има и вакви одговори: „Каде било, само не Македонија“, „Подалеку оттука“, „ Во земја каде што владеат закони и каде што има нормален здравствен систем и образование“.

На прашањето: „Зошто би заминале?“ одговориле 1.054 читатели. Најчестиот кус одговор е: „за подобар живот“, а еден читател ја сублимирал целата реалност во неколку реченици:

„Катастрофално лошо функционирање на сите институции. Корупција, мито, непотизам. Голема злоупотреба на должностите и функциите што им ги доверила државата. Лоша инфраструктура, лоша организација во функционирањето на сите институции. Тие што се одредени да ја организираат работата и функционирањето на институциите се неспособни, корумпирани, алчни да заработат многу за кратко време. Не постојат долгорочни планови за развој и напредок. Корумпирана полиција, судство… Здравствениот систем многу лошо организиран, нефункционален. Образовниот систем корумпиран. Факултетите се натпреваруваат кој ќе им додели (продаде) повеќе дипломи на неспособни кадри! Способните, вредните, тивките, трудољубивите… се оставени на маргините, да се снаоѓаат како знаат и умеат„.

Повеќе на fakulteti.mk.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Пендаровски со сопругата во Лондон и одадоа последна почит на кралицата Елизабета Втора

Редакција

Вања ја нема шест дена, полицијата приведе пет лица за нејзиното исчезнување

Редакција

Како пензиониран доктор од Теарце му го спаси животот на лице кое паднало од бандера

Редакција