Наќе Чулев, предлог на опозициската ВМРО-ДПМНЕ е новиот технички министер во преодната Влада.
Какво образование има?
Според неговата официјална биографија во 1994 година завршил воена гимназија во Белград, Србија.
Тој е дипломиран криминалист, а дипломирал на Факултетот за безбедност во Скопје.
Образование стекнал и на Воздухопловна техничка академија, Рајловац, Сараево, Босна и Херцеговина, но како што стои во неговата биографија, не го довршил.
Постдипломски студии по мир и развој завршил на Институтот за одбрамбени и мировни студии при Филозофски факултет на Универзитет “Св. Кирил и Методиј“, Скопје во 2019 година.
Посетувал бројни обуки, семинари и други форми на образование во Бон, Германија, Солун, Грција, Софија, Бугарија, Дубровник, Хрватска, Лондон, Велика Британија, Тиват, Црна Гора…
Зборува англиски и турски јазик.
Професионална кариера
Од јуни 2019 година е советник во Дирекцијата за разузнавање на меѓународен тероризам и транснационален организиран криминал во Агенцијата за разузнавање.
Од 2016 година е редовен предавач на Дипломатската академија на Министерството за надворешни работи.
Од 2017 година е предавач на Академијата за судии и јавни обвинители.
Од 2017 до 2019 година е помошник директор на Агенцијата за разузнавање.
Од 2013 до 2017 година е директор на Агенцијата за разузнавање.
Од 2012 до 2013 година е в.д. директор на Агенцијата за разузнавање.
Од 2011 до 2012 година е директор на Директоратот за оперативно разузнавање во Агенцијата за разузнавање.
Од 2007 до 2011 година е советник во Дирекцијата за разузнавање на меѓународен тероризам и организиран криминал во Агенцијата за разузнавање.
Од 2003 до 2007 година е прв секретар во Амбасадата на Македонија во Анкара, Турција, како преставник на Агенцијата за разузнавање.
Од 1999 до 2003 година е оперативен разузнавач во Дирекцијата за разузнавање на меѓународен тероризам и организиран криминал во Агенцијата за разузнавање.
Од 1997 до 1998 година е хонорарен асистент на програмскиот кординатор во Балканскиот центар за мир на Филозофскиот факултет при Универзитетот „Кирил и Методиј“, Скопје.
Приватен живот
Роден е и живее во Скопје.
Татко е на две деца.
ПОВРЗАНИ ВЕСТИ
ПОРТРЕТ: Мила Царовска, од активиска до вицепремиерка за економски прашања
ПОРТРЕТ: Оливер Спасовски, од адвокатски приправник до технички премиер
(Видео) Кој е Спасовски приватно: Лесно избувлив, но истраен
Фото: ВМРО-ДПМНЕ