еМагазин
Image default
Македонија

Постигната согласност: За кои лица ќе има, а за кои нема да има амнестија

Интерпартиската парламентарна група за реформи, интеграција и помирување постигна согласност по Предлог-законот за амнестија за случувањата на 27 април.

Согласно Предлогот, амнестијата не ги опфаќа организаторите и подготвувачите на настанот, лицата кои извршиле физичко насилство, кои носеле оружје и експлозивни направи, како и службените лица кои ги пречекориле службените овластувања.

Од амнестија ќе бидат изземени и лицата кои се обвинети за здружување заради непријателска дејност согласно чл. 324 од

Сите обвинети за насилствата во македонското Собрание од 27 април имаат право во рок од пет дена по донесувањето на законот да поднесат индивидуални барања за амнестија, а судот ќе донесе решение по мислење на ЈО, а врз основа на докази со кои располага.

-Ние се движевме во рамки на тоа што не може да биде опфатено со законот за амнестија. Тоа ни беше појдовна основа. Целта на дебатата по овој предлог-закон не се однесуваше на номинирање конкретни кривични дела, не се водевме персонално кон никого, туку дававме опис на дела – дејствија за кои лицата не можат да бидат амнестирани, рече копретседавачот со Интерпартиската група Фросина Ташевска Ременски.

Предлог-законот и одредбата која ги исклучува дејствијата што не влегуваат во амнестијата, рече таа, остануваат на оценка на Јавното обвинителство и судот, бидејќи, како што потенцира, групата се водела од принципот на немешање во работата на Јавното обвинителство и на судот.

Ташевска Ременски потенцира дека секој обвинет индивидуално ќе може да поднесе барање до надлежниот обвинител и суд, а оти судот ќе донесе решение по претходно мислење на Јавното обвинителство кое ќе го темели врз основа на докази со кои располага.

-Не се обидуваме и не сакаме да вршиме какво било ограничување на правото на обвинителството и судот да ценат врз основа на тоа со какви докази располага за лицата кои ќе поднесат индивидуално барање, рече Ташевска Ременски.

Таа не сакаше да коментира како ќе бидат квалификувани делата на пратениците кои ги отворија вратите од Собранието на 27 април. Тоа, потенцира Ташевска Ременски, ќе го цени Јавното обвинителство и судот.

Пратеничката Емилија Александрова, која исто така е копретседавач со Интерпарламентарната група, изрази уверување дека судот и обвинителството ќе донесат одлука во врска со амнестијата по секое едно индивидуално барање врз основа на доказите што ги имаат за лицето кое го поднело барањето.

Таа не можеше да одговори дали пратениците кои се дел од независната пратеничка група на ВМРО-ДПМНЕ, а се обвинети за 27 април, ќе поднесат барање за амнестија. Тоа, рече Александрова, е нивно лично право.

Се очекува многу скоро Предлог-законот по кој Интерпартиската парламентарна група постигна согласност да влезе во собраниска процедура, а пратеничката Александрова не ја исклучи можноста тоа да се случи и во текот на денешниот ден.

Во работата на Интерпартиската парламентарна група за реформи, интеграција и помирување не учествуваа пратениците на ВМРО-ДПМНЕ.

МИА

ПОВРЗАНИ ВЕСТИ

Куновска ги „подбра“ Шеќеринска и Заев: Кусо паметење за ставовите за амнестијата

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Целиот говор на Христијан Мицкоски на прославата во МНТ

Редакција

Средба на Иванов со генералниот сектетар на ОН, Гутереш: Македонскиот народ сам да ја донесе одлуката на референдумот

Редакција

Утре пресуда за „Талир 2“

Редакција