еМагазин
Image default
БАШ НИ Е ЌЕФ ТОП СТОРИИ

Потенцијалот на македонската винска индустрија пред пратеници во Европскиот парламент

Здружението „Вина од Македонија“ се претстави како успешен пример на асоцијација од Југоисточна Европа на Конференцијата за вино во Стразбур, што се одржа на 16 април 2019.

Претставници на „Вина од Македонија“ пред Комисијата за земјоделство на Европскиот парламент ги презентираа состојбите и плановите за унапредување на винската индустрија во регионот, со цел успешна интеграција во глобалната и европската економија.

– Оваа конференција беше одлична можност да се слушнат фактите за производството на вино, моменталните трендови и навиките на потрошувачите во Европската Унија. Од друга страна имавме можност да ги истакнеме потенцијалите на македонската винска индустрија, но и приоритетите во однос на унапредувањето на конкурентноста, заштитата на географското потекло и регистрацијата на географските ознаки за вино во Македонија.

Ја искористивме посетата на Стразбур за да побараме поддршка од присутните европарламентарци околу користењето на името на винскиот регион Македонија и координација на сите поврзани правни и стручни аспекти околу ова прашање во наредниот период – изјави Елена Младеновска – Јеленковиќ, извршен директор на здружението „Вина од Македонија“.

Во рамки на конференцијата беше организирана и студиска посета на вински подрачја во Франција и Германија, како и дегустација на вината од земјите учеснички од Југоисточна Европа.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Негувателка обвинета за малтретирање на две деца, мајката забележала кога децата се бранеле од неа кога таа се приближувала

Редакција

Во земјите каде што се дава БСЖ вакцина, кривата на заболени од корона вирусот се разликува од оние кои ја немаат во вакциналниот календар

Редакција

Убава вест: „Медена земја“ номиниран за најдобар документарец на „Европските филмски награди“

Никола Осило