Во МВР до денеска потврдени се 12 случаи на вработени позитивни на Ковид -19, 36 лица се во самоизолација, а издадени се и 14 наредби за изолација на лица, информираат од министерството.
– Изминатиов период беше извршена и дезинфекција во просториите и објектите каде е утврдено дека престојувале вработени лица за кои е потврдено дека се позитивни на тестот за коронавирусот, а тоа ќе се прави и за секој нареден случај, информираат од МВР.
Оттаму соопштуваат дека, според протоколите предвидени за вакви ситуации, од страна на епидемиолози направени се интервјуа и на вработени кои биле во непосреден контакт со заболените и во соработка со нив се утврдува за кои лица се издаваат решенија за изолација и изјави за самоизолација.
Министерството за внатрешни работи ја информира јавноста дека за заштита на вработените од коронавирусот се преземаат сите неопходни мерки за нивна лична заштита, со соодветна заштитна опрема, а со цел безбедно извршување на работните задачи.
ПОВРЗАНИ ВЕСТИ
Заболени од коронавирусот и во селата Калиште, Добри Дол и во карантинот во Маврово
Во Куманово уште 4 новозаболени здравствени работници
(Фото) Вицепремиерот Османи доброволно се пријавил да помага како лекар
Се што сакавте да прашате, а Ви беше срам: Дали ќе се заразите со коронавирусот за време на секс?