Вчера во Македонија беа регистрирани 19 нови случаи на заболени со коронавирусот и вкупниот број сега изнесува 1.386.
“Тестирани се вкупно 335 материјали во лабораториите во кои се спроведува молекуларно тестирање за присуство на SARS-CoV-2, од кои позитивни се 19.
Потврдените случаи се од 7 градови.
Регистрирани се случаи во скоро сите возрасни групи, најмногу од нив, 7 во возрасната група над 60 години, а во однос на дистрибуцијата по пол, пријавени се 7 женски и 12 машки лица.
Хоспитализирани се 6 лица, а останатите се на домашно лекување. Кај 9 лица е регистрирано присуство на коморбидитети (хронична/здравствени состојби, н.з.).
Вкупно 14 лица имале контакт со веќе потврден случај на COVID-19 во државата, а не се регистрирани лица кои имале историја на неодамнешно патување (во последни 14 дена)“, стои во анализата на податоците од страна на Институтот за јавно здравје (ИЈЗ), која еМагазин секојдневно ја пренесува.
ПОВРЗАНИ ВЕСТИ
Вкупно 227: Само 1 новозаболен здравствен работник со коронавирусот во Македонија
Кардиоваскуларна болест имаат најголем дел од заболените од Ковид-19 во Македонија
Двете новопочинати лица од коронавирусот во Македонија имале претходни заболувања
Нов национален рекорд: Во Куманово 260 заболени од коронавирусот на 100.000 жители
Фото: Општина Куманово/Табела: ИЈЗ