еМагазин
Image default
БАШ НИ Е ЌЕФ

ПРЕДА плус отвори повик за поддршка на стартапи од Пелагонискиот регион

Сите со добра и иновативна бизнис идеја или со веќе формиран стартап во почетна фаза може да аплицираат за акцелераторската програма #ИодБитолаСеМожи креирана од ПРЕДА плус фондацијата.

Таа нуди менторски и тренинг услуги, можност за вмрежување и за презентација на бизнис идеите пред потенцијални инвеститори.

„Сакаме да ги поттикнеме сите од Пелагонискиот регион кои имаат претприемачки дух и идеја да ја преточат во бизнис. Се што треба да направат е да аплицираат, а ние ќе се погрижиме за дефинирање на нивниот бизнис план, ќе ги насочиме како да градат вештини за водење на идниот бизнис, ќе им помогнеме да се вмрежат и ќе им обезбедиме пристап до потенцијални инвеститори. Дефинитивно ова е одлична можност“, потенцира Маријана Милевска, извршна директорка на ПРЕДА Плус Фондацијата.

Програмата #ИодБитолаСеМожи не е наменета за индивиудалци, туку за тимови од најмалку двајца.

„Повикот е отворен до 30 септември, а може да се аплицира на iodbitolasemozi.typeform.com.

На веб сајтот predaplus.eu има повеќе информации, а сите заинтересирани може да се обратат и директно во нашата канцеларија.

Во првата сезона од проектот од вкупно 50 апликации беа избрани 20 со кои се работеше менторски, при што се искристализираа 10 стартап идеи кои на Демо ден беа претставени пред потенцијални фондови и инвеститори.

Неколку од тие идеи веќе функционираат. Во втората сезона очекувањата се да има уште поголем интерес со оглед на фактот што цел процес на менторирање и поддршка е бесплатен“, додава Милевска.

Повикот беше најавен на инспиративно едукативно предавање кое се одржа во клубот Порта Џез во Битола.

На настанот говореа Дијана Десподов, извршна директорка на AmCham, Игор Изотов, иновациски и менаџмент консултат, Васил Зидровски – иноватор, софтверски инженер и сопственик на стартап компанијата Nulius, како и Маријана Стефановски, Анастасија Трајковска, архитекти и основачки на Архинова & Анридизајн.

КОМЕРЦИЈАЛНА ОБЈАВА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Kултната „Книга за гробиштата“ од Нил Гејман пристигна на македонски

Редакција

Пет нови интернационални награди за „Тиквеш“ и „Домен Лепово“

Редакција

Меѓународниот аеродром Скопје ја доби ASQ-наградата за квалитет на услигите за 2018 година

Редакција