На улицата „Никола Тесла“ во Струмица вчера е прегазено четиригодишно дете, а возачот на автомобилот побегнал.
Настанот го потврдија од струмичката полиција од каде информираа дека детето со тешки телесни повреди по приемот во Медицинскиот центар во Струмица е пренесено во Клиничкиот центар во Скопје.
На местото на несреќата извршен е увид од страна на полицијата и јавен обвинител.
Од МВР подоцна информираа дека е пронајдено возилото со кое беше прегазено четиригодишното дете и дека возачот се уште е во бегство.
Портпаролката на СВР-Струмица, Хризантема Рендевска соопшти дека возилото го пронашле полициски службеници и дека сега се наоѓа во кругот на СВР- Струмица.
„Се преземаат мерки и активности за пронаоѓање на сторителот“, рече Рендевска.
МИА