еМагазин
Image default
БАШ НИ Е ЌЕФ

Престижниот Универзитет Лондон Мет започнува со работа во Скопје

Една од најпрестижните образовни и научно-истражувачки установи во Велика Британија, Лондон Метрополитен Универзитет во јуни оваа година ќе ги започне уписите на овластената партнерска установа Скопје Метрополитен.

Првата академска година почнува во септември, а студенти од нашата земја за првпат ќе имаат можност да добијат диплома од една ваква образовна институција, посетувајќи настава во Скопје.

Македонска делегација составена од претставници на Владата, министерот за информатичка технологија и администрација Дамјан Манчевски, амбасадорот на Северна Македонија во Обединетото Кралство Александра Миовска и претставници на научната фела од Скопје Метрополитен, Ранко Цветковиќ претседателот на Бордот на директори и деканот проф. д-р Љубиша Петрушевски се во посета на Универзитетот во Лондон, на која беа дискутирани студиските програми  за започнувањето со студиите на „Лондон Мет“ во Скопје.

„Сите сме согласни дека покрај останатите, од особена важност се студиите за информатички науки, ставајќи акцент на отпочнување на програмите за сајбер- безбедност. „Лондон Мет“ е признаен со своите програми и истражувачки центри од областа на сајбер-безбедноста во светски рамки и ова претставува многу важна новина за македонскиот образовен систем“, истакна Ранко Цветковиќ, претседател на Бордот на директори на овој Универзитет во Скопје.

Покрај студиите за информатички науки, студентите ќе можат да посетуваат студии од областа на економските науки и финансии, менаџмент во туризмот и хотелиерство.

Сајбер – безбедноста е образовно поле каде трансферот на know-how, е повеќе од потребен, па во таа насока експертското знаење и искуство од „Лондон Мет“, во чии рамки функционира еден од најпрестижните истражувачки центри за сајбер-безбедност во светски рамки ќе биде од особено значење за македонскиот образовен систем, нудејќи ги најновите научни и технолошки сознанија и во земјава.

Лондон Метрополитен е водечки британски државен Универзитет со повеќе од едновековна историја и традиција. Во моментов има околу 14.000 студенти кои студираат во 3 кампуси во Лондон и повеќе партнерски институции надвор од Англија.

Познат е фактот дека 95 проценти од дипломираните студенти во рок од 6 месеци наоѓаат работа  или продолжуваат со студиите.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

По две години пауза, Саемот на книга повторно ги очекува групните и организирани посети на ученици

Редакција

Елените ќе се вратат во Националниот парк Галичица

Редакција

Поради големиот интерес, изложбата на илустрации на Кондовски ќе биде продолжена до 15 ноември

Редакција