еМагазин
Image default
Македонија

Продолжува судењето за „Монструм“

Во Кривичниот суд денеска продолжува судењето за петкратното убиство кај Смилковско Езеро на 12 април 2012 година.

На минатото рочиште беа сослушани три вешти лица од МВР, кои вршеле анализи и испитувања на неколку предметни возила.

За случајот „Монструм“ во претходна постапка, предмет на анализа биле возилата „опел омега”, „голф 3″, „фолксваген пасат“, „пежо 306″ и „мазда 626″.

Вештаците кажаа дека од извршените анализи на отпечатоци од прсти и траги на возилата, кај „пежо 306„ биле идентификувани траги на Алил Демири и на Самир Љута, кој подоцна е внесен во системот за анализа од СВР Скопје, додека кај трагите од „фолксваген пасат“ биле идентификувани Алил Демири, Агим Исмаиловиќ и Фејзи Азири.

Претседателот на судечкиот совет Огнен Ставрев, на почетокот информира дека се уште нема одговор на барањето за екстрадиција на двајца од обвинетите, Алил Демири и Африм Исмаиловиќ кои се во бегство на Косово.

Случајот „Монструм“ во февруари годинава почна од почеток и се уште се наоѓа во доказна постапка.
За петкратното убиство кај Смилковско езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември лани ги укина пресудите и случајот го презеде СЈО.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Тројца новозаболени од Ковид-19 во тетовскиот регион

Редакција

Две жени од Кавадарци и една од Демир Капија заразени со Ковид-19

Редакција

Вчера низ Македонија изгаснати 18 пожари

Редакција