еМагазин
Image default
Македонија

Продолжува судењето за „Монструм“

Во Основниот кривичен суд во Скопје за денеска е закажано ново рочиште за случајот за петкратното убиство кај Смилковско Езеро на 12 април 2012 година, „Монструм“.

Случајот се наоѓа во доказна постапка и се изведуваат над 133.000 СМС-пораки и други транскрипти, предложени како дополнителни докази од Обвинителството.

Судскиот процес го води судијата Огнен Ставрев, а застапници на обвинението се Фатиме Фетаи и Гаврил Бубевски.

За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.

Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост.

По укинувањето на пресудите, случајот „Монструм“ го презеде Специјалното јавно обвинителство (СЈО) и предметот беше вратен на повторно судење.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

МНР пријавило во МВР случај на говор на омраза на социјалните мрежи за Бугари: Протоколот почна да се спроведува

Редакција

Мицкоски добил задача да се раскара со мене, а молчи за тајната соработка со Заев, вели Груевски

Редакција

Потрагата по исчезнатите Македонци на Халкидики се води под лоши временски услови со силен ветер

Редакција