еМагазин
Image default
ЖИВОТ

Продолжува заканата од морбили: Седум новозаболени, деца и возрасни во сериозна состојба

Тринаесет пациенти со морбили се прегледани во текот на вчерашниот ден од кои седум се задржани за болничко лекување. Од вкупно 34 пациенти хоспитализирани на Клиниката (16 деца и 18 возрасни), две деца и двајца возрасни се со потешка клиничка слика, информираат денеска од Универзитетската клиника за инфективни болести.

Од седуммината новозаболени, две се деца на возраст од шест месеци од Куманово и едно дете е на возраст од една година од Сарај, кои не биле вакцинирани, а четворица се возрасни од Сарај (невакциниран), Карпош, Студеничани и од скопското село Паничари, за кои нема податоци за примени вакцини.

Од Клиниката посочуваат дека амбулантски се прегледани уште шест пациенти меѓу кои едно четиримесечно бебе од Тетово, кое не било вакцинирано, едно тригодишно дете од Сарај и едногодишно дете од Зелениково, двете вакцинирани, како и двајца возрасни од Скопје кои биле вакцинирани и еден возрасен од Гостивар, кој не бил вакциниран.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Ексклузивни фотографии од свадбата на пратеникот и потпреседател на СДСМ, Мухамед Зекири

Редакција

(Фото) За да докаже дека се безбедни, Филипче лично ја однесе внуката на вакцинирање

Редакција

Си замина уште едeн македонски актер: Почина Гоце Влахов

Никола Осило