Проектот за бакар „Иловица-Штука“ е целосно безбеден и се развива според највисоките стандарди за животна средина, според домашното и меѓународното законодавство. Сите обвинувања кон проектот се изнесени на паушални основи и не се поткрепени со никакви факти.
За да се одвива конструктувен дијалог, сите заинтересирани страни можат да извршат увид во целокупната документација на проектот, која е јавно достапна. Дополнително на тоа „Еуромакс ресоурсис“ ја продолжува комуникацијата со сите заинтересирани страни, вкучувајќи ги и граѓанските организации.
Имајќи го предвид ставот на локалната заедница, менаџментот на компанијата донесе одлука да не го користи цијанидот во постапката, како и суфурната киселина. Тоа е јасна потврда дека определба на компанијата е да проектот да се развива со поддршка на локалната заедница.
Рудникот ќе работи согласно еколошките стандарди, повисоки од оние утврдени од ЕУ, без никакво влијание врз земјоделството. „Еуромакс“ спроведе транспарентно и сеопфатно вклучување на заедницата и засегнатите страни во текот на изминатите 4 години, и истото е темелно документирано во Студијата за влијанието врз животната средина.
Со отстранувањето на цијанидот од процесот за обработка на рудата, примарниот производ на проектот „Иловица-Штука” сега ќе биде бакар.
Главниот процес на преработка на рудата е флотација, физички процес преку кој ќе се произведува бакарен концентрат и ќе биде транспортиран во топилница во Бугарија. Овој процес на флотација е сличен на сите постојни големи рудници за метали во Македонија и не вклучува хемиски реакции за растворање на рудата.
Реализацијата на проектот за бакар „Иловица-Штука“ ќе има голем економски бенефит за локалната и националната економија. Ќе се отворат 500 нови директни работни места и над 2700 индиректни вработувања во компаниите изведувачи. Во соработката предност ќе имаат локалните компании, што ќе биде дополнителен поттик за локалната економија. На национално ниво проектот ќе учествува со со 3% од БДП на Македонија и ќе обезбедува даночни приходи во висина од 24 милиони евра годишно.