На Јутуб корисник под псевдонимот Алибаба Тредичи објави два нелегално снимени разговори, на кои наводно се слуша гласот на адвокатот Васко Димишков, брат на судијката од Кривичен суд, Весна Димишкова како зборува во врска со случајот “Рекет“, кој финализираше вчера.
Гласот што се слуша на снимките зборува за милиони евра, наводно за ослободување од притвор на бизнисменот Орце Камчев, кој е осомничен во случајот “Империја“ на Специјалното јавно обвинителство (СЈО).
Обинителката Вилма Русковска за телевизијата „ТВ 24„ потврди дека овој разговор е исечен од аудио снимка која потекнува од доказите во „Рекет“, која Обвинителството ја добило од Зоран Милески Кичеец, осуден во овој случај.
За телевизијата таа вели дека снимката е исечена од разговор кој трае 57 минути и е пуштен во судница на рочиште кое беше затворено за јавноста. Вели дека станува збор за разговор меѓу Димишков и Милески, а на другите разговори е и Ана Камчева, сопруга на Камчев.
ПОВРЗАНИ ВЕСТИ
Ќе има ли епилог за „Империја“ по затворските казни за Јанева и Боки 13?
Циркусот „Рекет“ заврши, ама не дознавме каде се парите