еМагазин
Image default
Македонија

Разбиена криминална група која крадела автомобили во Македонија и ги пренесувала во Албанија

Албанската полиција уапси 53-ри годишен жител на градот Прењас кој во соработка со други лица преку зелениот граничен појас пренесувале украдени автомобили од Република Северна Македонија во Албанија.

На уапсениот Џ.Б. во тоа му помагал А.Р. жител на Струга, по кого се трага, како и неколку други лица.

– Истрагата покажаа дека Џ. Б.(53) од Прењас и А.Р. жител на Струга, Северна Македонија, во соработка со други лица шверцувале украдени возила, од Северна Македонија во Албанија, надвор од граничните премини,преку зелениот појас на македонско-албанската граница, стои во полициското соопштение.

Се додава дека за време на акцијата, како доказен материјал, запленето е возило марка „фолксфаген пасат“ со македонски регистарски ознаки, сопственост на македонски државјанин.

Возилото било украдено во Македонија, а потоа нелегално префрлено во Албанија.

-Во тек е идентифкацијата и апсење на други лица вклучени во оваа криминална активност, како и заплена на неколку возила кои оваа група ги украла на македонска, а потоа ги пренесла на албанска територија. Во интерес на истргата не се наведуваат други детали, соопштува полицијата.

Случајот е под надлежност на Обвинителството и судот во Елбасан.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Заев слетал на софискиот аеродром поради невремето во Скопје 

Редакција

Нови 392 случаи на Ковид-19, во Скопје 180

Редакција

Првиот човек на НАТО, Столтенберг повторно доаѓа во Скопје

Редакција