Во Службен весник излезе Уредбата со законска сила за примена на Законот за трговија за време на вонредна состојба со која меѓу другото се предвидува заштитните мерки за корона вирусот во трговските објекти да траат 200 дена по завршувањето на вонредната сотојба или до крајот на годинава.
Спотред регулативата, трговецот е должен да обезбеди редарска служба при влезот и во внатрешноста на објектот, за да се запази минимум потребното растојание помеѓу лицата пред и во објектот и да обезбеди спроведување на дезинфекција за раце при влез во објектот.
Трговецот е должен да обезбеди заштитна опрема (маски и ракавици) за вработените лица во објектот. Вработените лица се должни заштитната опрема да ја носат за времетраење на работното време.
Трговецот е должен да постави соодветни ознаки со кои се обележува правецот на движење и запазување на минимум потребното растојание при чекање ред на лицата пред и во објектот.
Глоба во износ од 500 до 1.000 евра во денарска противвредност за микро и мали трговци и од 1.000 до 2.000 евра во денарска противвредност за средни и големи трговци, ќе се изрече за прекршок на трговецот ако постапува спротивно на одредбите од член 2 на оваа уредба со законска сила.
ПОВРЗАНИ ВЕСТИ
Повеќе жени, 12 со претходни заболувања, детали за новите случаи на заразени со корона вирусот
Во Скопје, Тетово, Прилеп, Велес и Куманово најмногу активни случаи на заразени со корона вирусот