Министерството за внатрешни работи презема мерки за контрола на спроведување на одлуките на Владата. Во таа насока oд почнувањето со работа на угостителските објекти до сега од страна на Министерството за внатрешни работи во соработка со Државниот пазарен инспекторат извршени се контроли на вкупно 2.184 објекти при што констатирано е дека 24 од нив не ги спроведуваат одлуките на Влада, соопшти МВР.
„Од вкупниот број контроли, 1.573 се направени за време на викендот (петок – недела) и 483 во текот на вчерашниот ден (понеделник).
Понатамошното постапување по однос на констатираните непочитувања е во надлежност на Државниот пазарен инспекторат.
Министерството за внатрешни работи апелира до граѓаните да ги почитуваат одлуките на Владата кои се однесуваат на соодветна употреба на заштитна опрема, а угостителски објекти да ги преземат сите мерки за нивно соодветно спроведување“, информира МВР.
ПОВРЗАНИ ВЕСТИ
Угостителските објекти се речиси празни, слабо луѓе и работа
Некои угостители „потфрлија“: Пазарните инспектори бркани од локалите и понижувани
Во угостителските објекти свадбите и родендените остануваат забранети, што пишува во Протоколот