еМагазин
Image default
Македонија

СДСМ денеска избира ново партиско раководство

Изборот на новото партиско раководство, како и заокружување на внатрепартиските промени се очекуваат денеска на седницата на Централниот одбор на владејачката СДСМ.

Централниот одбор ќе заседава во Охрид, а деветтата седница, како што е најави партијата ќе почне во 16:00 часот.

На дневен ред се и суштинските промени во партијата, новиот систем на дејствување и работа на партијата и напредокот на државата.

Метлата, која лидерот на СДСМ и премиер Зоран Заев ја најави по завршувањето на претседателските избори почна токму во неговата партија. Сите 78 претседатели на општински организации се сменети од позициите. За тоа тој како лидер, според партискиот статут, има директна надлежност.

Разрешени се и целиот извршен одбор на СДСМ, сите шест потпретседатели на партијата, генералниот, организацискиот и меѓународниот секретар, како и координаторката на  Форумот на жени на седницата на Централниот одбор минатиот месец.

Според одлуките, што беа донесени со консензус, разрешени беа Александар Кирацовски, генерален секретар, Миле Зечевиќ, организациски секретар, Дане Талевски, меѓународен секретар, Цветанка Ласкова координатор на Форумот на жени и шесте потпретседатели Фросина Ташевска Ременски, Оливер Спасовски, Петре Шилегов, Благој Бочварски, Дамјан Манчевски и Мухамед Зекири.

„Ако тргнавме од своите редови да се исправиме, со наше коригирање и подобрување, верувајте нема да дозволиме на било кој во државата без разлика дали тоа е во јавната администрација, централна, локалната, а прима пари од граѓаните, да не ги исполни нивните очекувања“, изјави тогаш Заев.

МИА

ПОВРЗАНИ ВЕСТИ

Цела листа: Кои се новите претседатели на општинските организации на СДСМ

Колкава моќ има Заев во партијата, што пишува во Статутот на СДСМ?

СДСМ го менува Извршниот, кој се е во Централниот одбор?

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Десет лица осомничени за фалсификување документи за потрошувачки кредити

Редакција

Борисов инсистира до октомври да има договор чив е Гоце Делчев

Редакција

Турција за скандалозна ја смета одлуката весникот „Заман Македонија” да добие пари од државата

Редакција