еМагазин
Image default
Бизнис

Се бара решение за трговскиот спор со Косово, засега остануваат забраните за извоз

Министерот за економија Крешник Бектеши денеска во Приштина се сретнал со косовскиот министер за трговија и индустрија Ендрит Шаља по мерката на Косово за забрана на увоз на компири и мед од земјава.

Бектеши и Шаља, како што објави електронското издание на косовскиот весник „Коха диторе“, се согласиле до петок Агенцијата за храна и ветеринарство на Косово да испрати извештај до македонската Агенција за храна и ветеринарство на соодветната програма за следење на производите, во овој случај на икрите од риби од Косово.

Министерот Бектеши истакнал дека оваа мерка не е преземена само за Косово, туку и за сите држави кои ја немаат имплементирано програмата за мониторирање во врска со производите од риба.

Шаља, од своја страна, изјавил дека само откако ќе се укине забраната за косовската риба, може да се укине и реципрочната мерка за увоз на мед и компири од земјава.

Инаку, министерот за економија Крешник Бектеши и директорот на Агенцијата за храна и ветеринарство Зоран Атанасов, денеска во 15 часот ќе одржат прес-конференција во врска со исходот од средбата со Шаља, за трговските мерки што ги воведе Република Косово.

МИА/Фото:Влада

ПОВРЗАНИ ВЕСТИ

Бранко Азески: Забраната на увоз на мед и компири во Косово е популистичка одлука донесена како резултат на инатење

За македонските власти забраната за извоз на компир и мед во Косово нема основа

Бектеши: Не се вистинити наодите на Косово, подготвени сме за разговор со факти

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Германската фабрика „Дрекслмајер“ го продолжува прекинот со работа поради корона вирусот

Редакција

Детален преглед: Акции со најголем пораст и пад на вредноста

Редакција

Витаминка, Макпрогрес и Европа ќе им дадат дополнителни 3 месеци скратено работно време на родителите кои се враќаат од породилно: Кој е следен?

Редакција