еМагазин
Image default
Свет

Се разгорува трговската војна: САД со нови царини за компјутери, лук и уште 3.800 производи од Кина

Лаптоп компјутери, пили, делови за турбини и лук се само некои од 3.805 производи, кои се наоѓаат на дополнителната листа кинески производи за нови царини од САД.

Властите на САД ја дополнија листата откако кинеските власти вчера најавија дека од 1 јуни ќе воведат тарифи од 25 отсто на 60 милијарди долари увоз од САД.

Тоа е одговор од Кина на американскиот претседател Доналд Трамп кој во петокот ги зголеми царините од 10 на 25 отсто на кинескиот увоз во вредност од 200 милијарди долари.

„Новата листа претставува чекор кон спроведување на заканата на претседателот Трамп од 5 мај за воведување на казнените 25 процентни царини на целокупниот увоз од Кина“, се наведува во соопштението на американскиот трговски претставник УСТР.

Како што е наведено, на 17 јуни ќе биде одржана расправа пред Вашингтон да одлучи како да постапи по ова прашање.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Кина го отвори најдолгиот мост во светот: Ново светско чудо од 55 километри

Никола Осило

Го нема Путин, „Тајм“ ја објави листата на 100 највлијателни луѓе за 2019 година

Редакција

(Вознемирувачко видео) Терористот во Нов Зеланд објави видео во живо од нападот во џамиите

Редакција