еМагазин
Image default
Балкан ТОП СТОРИИ

Се стравува дека бројката уште ќе расте: 40 загинати од земјотресот во Албанија

Спасувачките тимови продолжуваат да трагаат по преживеани под урнатините на објектите во Албанија. Бројката за загинати лица утрово порасна на 40, а се стравува дека таа може да се зголеми со натамошното пребарување на срушените зданија во Тумане, Драч и другите албански градови, јавува Радио – телевизија Србија, пренесува Мета.

Тлото во Албанија не престанува да се тресе. Регистрираните земјотреси и изминатата ноќ ги оставија жителите од погодените региони на улиците.

Спортските објекти во Тирана се претворени во локации за згрижување на граѓаните, додека на фудбалскиот стадион во Драч се поставени шатори за сместување на оние лица што ги изгубиле домовите. Помошта во храна и облека што пристигнува од странство им се дели на граѓаните погодени од земјотресот. На подрачјето на Драч и Тирана од вчера е воведена вонредна состојба за да им се овозможи на државните органи полесно справување со природната катастрофа.

Албанската влада утрово одржа вонредна седница, на која премиерот Еди Рама посочи дека на земјата во моментов ѝ е потребна финансиска и нематеријална помош. Засега нема податоци за материјалната штета што ја предизвикаа серијата земјотреси во Албанија, кои започнаа со најсилниот потрес со јачина од 6,4 степени на 26 ноември изутрината.

Тимови координирани од Дирекцијата за заштита и спасување, во согласност со одлуката на Владата на Република Северна Македонија, односно вкупно 42 пожарникари и друг кадар, како и едно куче-трагач интервенираат во Драч заедно со колегите од Албанија и од други земји што испратија помош.

ПОВРЗАНИ ВЕСТИ

Во кои делови на Македонија се регистрирани најсилните земјотреси

Мета/Фото: Associated press

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Фондот за здравство распиша тендер за набавка на струја „тежок“ 11 милиони денари

Никола Осило

(ВИДЕО) Албанската полиција го упаси повеќекратниот убиец од Ресулај

Редакција

Црниот биланс од земјотресот во Албанија достигна 49 жртви

Редакција