Откако Основниот суд Скопје 1 му го одби новото, трето барање за одложување на затворската казна од четири години и осум месеци за случајот „Труст“ на Специјалното јавно обвинителство (СЈО), доцна синоќа со полиција бизнисменот Сеад Кочан беше спроведен во затворот Идризиво.
Во затвор беше однесен од приватна клиника во која престојуваше околу две недели, а бил спроведен со полиција, бидејќи не сакал доброволно да се пријави во Идризиво.
Кочан за случајот „Труст“ претходно беше осуден на шест години затвор, а Апелацискиот суд Скопје во март годинава му ја намали казната на четири години и осум месеци.
Тој е осуден за манипулации околу добивање тендер од ЕЛЕМ, вреден 17 милиони евра.
ПОВРЗАНИ ВЕСТИ
Бизнисменот Кочан во болница, побарал ново одложување на издржувањето на затворската казна
Бизнисменот Сеад Кочан мора веднаш да се јави во затвор
Фото: Телма