еМагазин
Image default
Локално ТОП СТОРИИ

Седум нови сомнителни случаи на заболени од морбили

Министерството за здравство известува дека денеска до 13 часот, на Инфективната клиника во Скопје се хоспитализирани седум деца на возраст од две години.

Сите деца се од населбата Ново Лисиче од Скопје, и ја посетувале детската градинка „Сонце“. За сите нови седум пријавени случаи се чека лабораториска потврда.

Инаку, досега се заболени вкупно 8 деца од оваа градинка, сите невакцинирани со МРП вакцината. Во групата имало 28 деца, сите невакцинирани.

Од 16 декември до денеска (10 јануари) вкупно 22 лица биле хоспитализирани на Инфективната клиника во Скопје. Од нив, 13 лица се уште се хоспитализирани, а 9 се веќе пуштени на домашно лекување. Најмладиот пациент е бебе од 8 месеци, а најстариот има 33 години од Скопје.

„Најмногу заболени има во населбата Ново Лисиче (општина Аеродром) – вкупно 9 деца. Инаку, од вкупниот број заболени, 8 пациенти од Скопје биле со полесна клиничка слика и се на домашно лекување. Според податоците од Клиниката за инфективнби болести и фебрилни состојби, досега се прегледани околу 30 пациенти за кои се сомневале или потврдиле дека се заболени од морбили.  Досега во сите вакцинални пунктови во Скопје се вакцинирани 1.692 лица, а само денес до 13 часот вакцинирани се 85 деца“, се вели во соопштението на Министерство за здравство.

Министерството уште еднаш повикува на вакцинација на децата, иако е прогласена епидемија од морбили и има доволно количини од МРП вакцините. Вакцините кои се аплицираат во сите здравствени домови се со добар квалитет, од европски производител и имаат добар рок на траење.

ПОВРЗАНИ ВЕСТИ

(Фото) За да докаже дека се безбедни, Филипче лично ја однесе внуката на вакцинирање

Кои се симптомите и како се пренесуваат мали сипаници

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Скопјанка пријавила дека сосед физички ги нападнал нејзините деца

Редакција

(Видео) Актери им одржаа лекција на несовесните возачи

Редакција

На здравствените работници заболени од корона вирусот нема да им се одбива од плата и нема да плаќаат партиципација

Редакција