еМагазин
Image default
Македонија ТОП СТОРИИ

Секој од нас е заменлив, се воздржувам од коментари додека трае истрагатa за Тетово, вели Филипче

Се воздржувам од сите коментари се додека трае истрагата. Се надевам дека ќе ја прифатите оваа аргументација, не сакам никако да се сфати во некоја форма во која што не треба, изјави денеска министерот за здравство Венко Филипче, одговарајќи на новинарско прашање поврзано со пожарот во тетовската модуларна болница.

Министерот посочи дека во истрагата за избувнувањето на пожарот во модуларната болница се вклучени институции, обвинителства и како што напомена, ќе дозволи најпрвин тие да констатираат, а по завршување на процесот ќе биде на располагање за разговор или изјава.

-Дозволете да не коментирам со оглед на тоа што има истрага. Се надевам дека ќе ја прифатите оваа аргументација, не сакам никако да се сфати во некоја форма во која што не треба, рече Филипче.

Тој додаде дека процесот на проверка и на комуникација со директорите на болниците, како и проверка од страна на Санитарниот инспекторат е завршен. Документацијата за модуларните болници, како што рече, е во проектната единица на Светска банка во Министерство за труд и социјална политика и така е одговорено на барањата.

Во однос на оставката, министерот посочи дека секој од нив е заменлив, никој не е венчан за функцијата.

-Се воздржувам од сите коментари за се ова додека траат активностите на сите истражни органи. Секој од нас е заменлив, никој не е венчан за функцијата, тоа е мојот став во однос на се, додаде Филипче.

МИА/Фото: МЗ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Парите за машината за дишење на Искра собрани за помалку од 24 часа!

Редакција

На продажба административната зграда на скопски Бетон

Редакција

Двајца епидемиолози и двајца техничари од Центарот за јавно здравје – Скопје позитивни на коронавирусот

Редакција