Во гостување во емисијата „Само вистина“, на Канал 5, министерката за одбрана и вицепремиерка, Радмила Шекеринска, потврди дека таа е на снимката од домот на осудениот во „Рекет“, Бојан Јовановски-Боки 13, која беше неодамна објавена, а на која се гледа како двајцата седат во друштво на исто така осудената за истиот случај, поранешната специјална обвинителка Катица Јанева.
ПОВРЗАНИ ВЕСТИ
(ВИДЕО) „Бомба“ од домот на Боки13, на гости му се Шекеринска и Катица Јанева
“Во ниту еден момент не ја лажев јавноста. Се имам сретнато и со едниот и со другиот и со двајцата заедно. Но, јас немам никаква поврзаност со акциите на тие двајца за кои се соочија пред судот“, рече Шекеринска.
Таа рече и дека за таа снимка е интересно што прво покажува дека не бил само еден што снимал во тој случај и тоа го нарече како „интересни заднински врски“, но не можеше да посочи кој би можел да ја сними или кога точно била направена снимката.
„Зборувавме за една многу актуелна тема во тоа време, а тоа беше зошто не може да се донесе Законот за јавно обвинителство“, рече Шекеринска.
Рече и дека се среќавала и со други сопственици на медиуми и дека тоа го правеле и политичарите од опозицијата.
ПОВРЗАНИ ВЕСТИ
Фото: МО