По апсењето на Џулијан Асанж, еМагазин во серијал Ве потсетува на најголемите откритија на Викиликс.
Кој ја шпионирал Меркел?
Во јули 2015 година Викиликс објави дека британските разузнавачки агенции ја шпионирале германската канцеларка Ангела Меркел и други германски политичари додека разговарале за грчкиот план за финансиска помош за европските банки во 2011 година.
Телефонските повици меѓу главните германски министри, носители на јавни функции, па дури и личниот асистент на Меркел биле пресретнувани од Велика Британија и споделувани со американската Национална агенција за безбедност.
Според Викиликс, телеграми го откриваат личниот скептицизам на Меркел кон решенијата за финансиската криза на Грција и поддршката на Берлин за специјална финансиска помош од ММФ за банките финансирани од страна на БРИК-земјите (Бразил, Русија, Индија, Кина и Јужна Африка).
Телеграмите, ја покажуваат и поддршката на Германија на банките да им биде наметнат данок на финансиски трансакции (ФТТ), потег на кој се спротивставија Велика Британија и САД.
Во некои случаи, телеграмите биле споделувани со другите нации што му припаѓаат на шпионскиот сојуз „Пет очи“ – САД, Канада, Австралија и Нов Зеланд.
ПОВРЗАНИ ВЕСТИ
По апсењето на Асанж: Што објави „Викиликс“ за Црвенковски, Груевски, Глигоров, Димитров…
Што открија Викиликс и Асанж: ЦИА прислушува преку телевизори и „паметни“ мобилни телефони
Што откри Викиликс: Зошто Хилари Клинтон му е лута на Асанж