еМагазин
Image default
Бизнис ТОП СТОРИИ

Што пишува во биографијата на новите вицегувернерки на Народната банка?

M-р Емилија Нацевска и м-р Ана Митреска се избрани за нови вицегувернери на Народната банка на Република Македонија.

Што пишува во нивните биографии?

Ана Митреска

Образование: 2000-2006 година. Завршила постдипломски студии по монетарна економија на Економскиот факултет во Скопје. Постдипломските студии ги завршила со просечна оцена 9,89.

1995 – 1999 година. Завршила додипломски студии на Економскиот факултет во Скопје, насока економија, Отсек за финансии и банкарство и е дипломиран економист. Додипломските студии ги завршила со просечна оцена 9,82.

Познавање јазици: англиски одлично го познава, а од  германски има основно познавање.

Работно искуство: Од јануари 2011 година досега, била директор во Дирекцијата за монетарна политика и истражување во Народната банка на Република Македонија.

Од мај 2004 до декември 2010 година, е заменик-директор во Дирекцијата за монетарна политика и истражување во Народната банка на Република Македонија.

Од јануари 2004 до мај 2004 година, е раководител на Отсекот за истражување, подоцна во Отсекот за монетарни движења во Дирекцијата за монетарна политика и истражување.

Од март 2000 до јануари 2004 година, е помлад статистичар, статистичар, истражувач и виш истражувач во Дирекцијата за монетарна политика и истражување.

Од ноември 1999 година до март 2000 година, е помлад ревизор во Македонски ревизорски центар, Скопје.

Емилија Нацевска

Работно искуство: јули 2010 – денес е советник на гувернерот за платни системи и евроинтеграции во Народната банка на Република Македонија.

Од јули 2003 – јули 2010 година е вицегувернер на НБРМ и член на Советот на Народната банка на Република Македонија.

Од декември 1997- јули 2003 година е директор на Дирекцијата за платен биланс, НБРМ.

Од мај 1996 – декември 1997 година е раководител на Отсекот за платен биланс во Дирекцијата за девизно работење, НБРМ.

Од јануари 1995 – мај 1996 година е стручен соработник во Отсекот за меѓународни односи и платен биланс во Дирекцијата за девизни работи, НБРМ.

Од март 1993 – јануари 1995 година е девизен аналитичар во Отсекот за меѓународни односи во Дирекцијата за девизни работи, НБРМ.

Од ноември 1987 – март 1993 година е помлад девизен аналитичар во Отсекот за меѓународни односи во Дирекцијата за девизно работење, НБРМ.

Образование: Во2012 година станува магистер по економски науки на Економскиот институт, при Универзитет „Св. Кирил и Методиј“, Скопје.

Во 1986 година дипломира на насока за финансии, сметководство и банкарство при Економскиот факултет, Универзитет „Св. Кирил и Методиј“, Скопје.

Фото: НБРМ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Сите институции ќе бидат на располагање за што побрзо пуштање во функција на мостот „Беласица“, најави Ковачевски

Редакција

Седум медали за каратистите на „Макпетрол“ на Балканското првенство во Црна Гора

Редакција

Работниците на протест, Владата го разреши менаџерскиот тим на „Колска“

Редакција