Градот Скопје апликацијата за „Европска зелена претстолнина 2021“ ја поднел во октомври годинава.
„Апликацијата која е на 150 страници содржи вовед и опширни одговори на прашања за постојната состојба со животната средина во градот, минатите активности во оваа област и плановите и чекорите што ќе ги преземе Град Скопје до 2021 година во 12 индикатори (показатели), и тоа: ублажување на климатските промени, приспособување на климатските промени, одржлива урбана мобилност, одржлива употреба на земјиштето, природа и биодиверзитет, квалитет на воздух, бучава, отпад, води, зелена површина и еко-иновација, енергетски перформанси и управување“, информираат од Град Скопје.
Градоначалникот Петре Пилегов појасни дека признанието „Европска зелена престолнина“ не се однесува само на зеленилото, тоа е начин на функционирање на градот – алтернативниот превоз, енергетската ефикасност, транспортот и сите други мерки што се преземаатза подобрување на животот на граѓаните.
Во составувањето на апликацијата беа вклучени и стручни лица од секторите во Град Скопје, како и повеќе државни институции.
Во наредниот период Градот Скопје ќе биде предмет на евалуација од жири-комисија која ќе го вреднува напредокот на Скопје во сите области опфатени во апликацијата. Комисијата ќе престојува и во Скопје и на терен ќе ја согледа состојбата со животната средина и активностите за подобрување.
Жирито ќе ја процени посветеноста на градовите апликанти на одржливоста на урбаниот развој, нивниот капацитет да бидат пример за другите градови и нивната стратегија за комуникација и ангажирање на нивните граѓани.
Во април 2019 година ќе се направи потесен избор на градови кандидати за добивање на оваа награда.
Престижната награда „Европска зелена престолнина“ досега ја добиле:
– Стокхолм 2010
– Хамбург 2011
– Виториа – Гастејс 2012
– Нант 2013
– Копенхаген 2014
– Бристол 2015
– Љубљана 2016
– Есен 2017
– Најмеген 2018
– Осло 2019
– Лисабон 2020
ПОВРЗАНИ ВЕСТИ
Европската комисија ја прифати кандидатурата на Град Скопје за „Европска зелена претстолнина 2021“
Твитер „удри“ по Шилегов: „Скопје не може за град да се кандидира, не пак за зелен“